حصريا لموقع الهوانم

أنتظرونا في مفاجأة خاصة مع د / باسم خليفة أخصائي تغذية - سمنة والنحافة
في انتظار اسئلتكم واستفساراتكم علي موقع الهوانم على مدار 24 ساعه لمدة اسبوع كامل من خلال اسألى الهوانم


ما الفرق بين الاعجاب و الحب

4-ديسمبر-2013

كتييير اوى بنخلط بين الاعجاب والحب الحقيقى اكيد كلنا مر فى حياته شخص كان فاكر انه بيحبه ولكن اتضح له بعد كده ان ده كان مجرد إعجاب او حصل انه اعجب بشخص اوى وكانت مجرد فتره فى حياته وسابه واتضح له بعد كده انه هو الحب الحقيقى اللى كان بيدور عليه فتعالو نشوف ايه هو الفرق بين الحب والاعجاب من وجهه نظرى

الإعجاب
هو لما تنجذب أو تعجب بصفات معينة فى شخص تعرفه وبتتعامل معاه أو حتى بتشوفه من بعيد 
ممكن تعجبك طريقه كلامه أو طريقة تفكيره أو خفه دمه أو نظرته لمستقبله أو لشخصيته الممتازه وبالتالى بتشوف الكثير من مميزاته فبيحصل إنك عندك شعور قوي بالإعجاب به لدرجه ممكن تخليك تخلط بين هذا الإعجاب وبين الحب 
ولكن إلي لازم نعرفه هو أن الإعجاب هذا يجب أن يكون مرحلة من مراحل الحب الحقيقى 
والإعجاب ممكن يكون فى حياتنا العامة يعنى ممكن أن نعجب بشخصية معروفة فى المجتمع وبالتالى ممكن أن نعجب بأكثر من شخص فى وقت واحد 
وأحيانا يتوهم الشخص عندما يحس بشعور الإعجاب تجاه شخص اخر ويظل يهتم بهذا الشعور حتى تصل لمرحلة إنك تتخيل شى وهمى فى عقلك وتتخذ بناء عنه خطوة مش فى في مكانها 


الحب الحقيقى 
أجمل إحساس ممكن تحسه أو تعيشه فى حياتك وهو عبارة عن شعور بتحسه ناحيه شخص معين ولا تعرف السبب لأنها غريزه وضعها الخالق فى قلوبناوبتقدر إنك تعبر عنها فى حرفين بس هم ح ب 
وعشان تتاكد أن حبك هذا حب حقيقى مش مجرد إعجاب وخلاص لازم تمر بجميع مراحل الحب الطبيعيه 

اولا الانجذاب العاطفى 
أنه مجرد إنك تحس إنك منجذب للشخص هذا وحاسس انك بتهتم به وبتهتم تعرف اخباره اكتر من اى واحد تانى 
ثانيا الاعجاب
وطبعا احنا اتكلمنا عنه وعاده الاعجاب بيبقى نتيجه للانجذاب العاطفى 
ثالثا بدايه الحب 
تصل الى انك ترى الشخص اللى قدامك اجمل انسان فى الوجود ويزيد اعجابك بيه فى هذه الفتره وبيختلط فى هذه الفتره احاسيس اخرى بالاضافه الى الاعجاب زى الاشتياق يعنى انك تكون لسه كنت معاه وتحاول انك تشوفه تانى وتبقى مش قادر تبعد عنه و تريده يبقى معاك على طول 
وحتلاقى فى هذه الفتره بتحاول تخلط المواقف اللى تجمعكم ببعض وتلاقيك بتستنى حتى الصدف اللى تجمعكم
يعني عادة فتره بداية الحب بتبقى قمه فى الرومانسيه وبعيده عن الواقع ومشاكله وعيوبه


الحب الحقيقى
فى هذه المرحله بتهدا المشاعر داخلنا وتصبح انسان ناضج تقدر تفكر بعقلك مع قلبك وهتشوف بجد حقيقه الشخص الى قدامك بمزاياه وكمان عيوبه 
هيحصل في المرحله لحظات فرح كتيير ولكن حتظهر لحظات الزعل من الشخص إلي معاك لما تحط ايدك بجد على عيوبه لكن طبعا حتحاول من جواك انك تعديها واكيد هيحصل بينكم إختلافات لكن لا تخف  المرحله دى بتبقى دليل على الحب الحقيقى 
واذا استطاع كل واحد فيهم انه يتحمل عيوب إلي قدامه ويقدر انه يمتصها ويخليها تبقى مجرد لحظات وتعدي وكأنها لم توجد هو إلي حيقدر يحافظ على حبه 


ولو الواحد استطاع ان يمر بالمراحل دي فى حبه فإنشاء الله الحب ده حب حقيقى مئه فى المئه 
وعلى فكره ممكن انك تلاقى الحب الحقيقى فى حياتك وممكن لا تلاقيه فى حياتك وتنتهى العلاقه عند اى مرحله من هذه المراحل وممكن يحصل انك تكمل حياتك مع شخص لم تمر معه بهذه المراحل وقد تنجح وقد تفشل 
ياااااااارب كل واحد فينا يلاقى الحب الحقيقى 


موضوعات مقترحة

>